I shoqëruar nga deputeti Belind Këlliçi, Kryetar i FRPD, dhe Sekretari i Përgjithshëm i FRPD, Gledis Muçollari, ish-Kryeministri Sali Berisha ka nisur takimin me të rinjtë dhe të rejat e këtij Forumi.
Disa qindra të rinj dhe të reja demokratë, iu bashkuan Folores së ish-Kryeministrit, takim që po zhvillohet në Tiranë.
Nën thirrjet “O Sali, o hero, gjithë Shqipëria ty të do” dhe me ovacione e duatrokitje, ish-Kryeministri Berisha duke iu drejtuar të pranishmëve, ka shprehur falenderime për mbështetjen që ata kanë dhënë pvr Partinë Demokratike, duke bërë një opozitë të vërtetë.
“Ju nuk kursyet asgjë në këto vite, u përballët me narko-policinë, u përballët me qelitë e komisariateve, për të mbrojtur idealin, lirinë dhe vlerat e Partisë Demokratike. Ju mbajtët në këmbë një opozitë, që duhej ti printe shqiptarëve. Ky takim është vendimtare në përpjekjen tonë për një rindërtim të plotë të PD, për shndërrimin e saj në një opozitë të vërtetë, për shndërrimin e saj në një forcë të fitores”, tha Berisha.
