Kuvendi miratoi sot me votat e socialistëve pr/ligjin ‘Bashkëqeverisjen”, i cili u kundërshtua nga opozita. Pro ligjit votuan 73 deputetë, ndërsa kundër ishin 42 deputetë.
Deputetët e PD dhe ato të LSI shprehën kundërshtitë lidhur me ligjin, duke bërë krahasime lidhur me rikthimin në kohën e Partisë së Punës të funksionimit të administratës. Opozita u shpreh se një ligj i tillë gjithashtu bie ndesh me direktivat e BE-së për funksionimin e administratës publike, si dhe cënon nënpunësit civilë.
Por pvr socialistët, ligji ishte një mundësi që i ofrohej qytetarëve për të denoncuar në kohë parregullsitë që hasnin nv administratë, por edhe sorollatjet në zyrat e shtetit.
Nga ana tjetër, Parlamenti miratoi me 112 vota pro marrëveshjen me kompaninë e vaksinave Pfizer, për më shumë doza vaksinash në kuadër të pandemisë. Pro marrëveshjes votuan dhe deputetë të opozitës, të cilët pavarësisht kritikave dhe akuzave në drejtim të Qeverisë lidhur me mënyrën se si ajo ka kontrolluar situatën e pandemisë në vend apo procesin e vaksinimit, apeluan që qytetarët të vaksinohen kundër Covid.
