Eksperti i shëndetit publik, Erion Dasho, përmes një postimi në rrjetet sociale, ka kërkuar ndjekje penale për të gjithë ata që keqmenaxhuan pandeminë e Covid-19, duke shkaktuar 16 mijë viktima dhe miliona euro dëme ekonomike familjeve shqiptare.
Dasho shkruan se 1 vit më parë iu sugjerua autoriteteve shëndetësore të merrnin disa masa të thjeshta për pandeminë, përfshirë këtu edhe pajisjen e mjekëve me oksimetër.
Sipas tij, një oksimetër kushtonte 10-30 euro, por që ka potencialin të bëjë ndryshimin midis jetës dhe vdekjes së pacientit.
“Përgjigja e komitetit dhe ministrisë për protokollet ndodhet në foton në vijim. Receta e dhënë në tetor 2020 nga një mjek familje për një pacient me moshë 30 vjeçare me të vetmen simptomë temperaturë 38°!!! Vetëm kjo recetë kushton sa 40 apo 50 puls oksimetër!!!
Për këto arsye, kam muaj të tërë që kërkoj hetim penal për të gjithë përgjegjësit e kësaj situate!”, shkruan Dasho.
Postimi nga Erion Dasho
NJË SHTET KRIMINAL DHE I PAPËRGJEGJSHËM
Një vit më parë, së bashku me një grup kolegësh, paralajmëronim për katastrofën që po i kanosej shqiptarëve prej COVID-it. Sugjeronim disa masa të thjeshta, por të bazuara mbi evidenca, ku përfshihej pajisja e mjekëve të familjes me puls oksimetër dhe hartimi i protokolleve për ndjekjen e pacientëve.
Një investigim i Top Channel zbulon se dy spitale rajonalë, ai i Fierit dhe ai i Dibrës nuk kanë patur dhe nuk kanë akoma puls oksimetër, një pajisje që kushton 10 deri në 30 euro dhe ka potencialin të bëjë ndryshimin midis jetës dhe vdekjes së pacientit.
Përgjigja e komitetit dhe ministrisë për protokollet ndodhet në foton në vijim. Receta e dhënë në tetor 2020 nga një mjek familje për një pacient me moshë 30 vjeçare me të vetmen simptomë temperaturë 38°!!! Vetëm kjo recetë kushton sa 40 apo 50 puls oksimetër!!!
Për këto arsye, kam muaj të tërë që kërkoj hetim penal për të gjithë përgjegjësit e kësaj situate!
Ata që nuk gjenin 20 euro për t’i dërguar puls oksimetër një spitali rajonal, por u lejonin laboratorëve privatë tarifa 100 euro për një test dhe një mjeku familje të jepte një recetë me vlerë 500 apo 600 euro të cilën e paguante nga xhepi pacienti dhe familja e tij!!!
Llogaridhënie penale për ata që sot kanë në ndërgjegje 16 mijë jetë shqiptarësh dhe që u kanë shkaktuar familjeve shqiptare një dëm ekonomik prej qindra milionë euro!!!
