Ish-Kryeministri Sali Berisha zhvillon foltoren e rradhës në Lezhë, duke mbyllur turin e takimeve me anëtarët dhe simpatizantët e Partisë Demokratike në qendrat e qarqeve.
Disa dhjetra anëtarë dhe simpatizantë të PD kanë preferuar të shoqërojnë ish-Kryeministrin me automjetet e tyre përgjatë autostradës Milot-Lezhë, ndërkohë që dhjetra të tjerë janë në pritje të mbërritjes së Berishës për nisjen e takimit.
Ish-Kryeministri shoqërohet nga deputetë, ish-deputetë dhe anëtarë të Kryesisë së PD, ndërsa nga raportimet e ndryshme peticionin për thirrjen e Kuvendit Kombëtar të kësaj partie e kanë firmosur rreth 60 % e delegatëve që në korrik 2021, u thirrën në Kuvendin e fundit.
