Rritet numri i punonjësve në administratë, ja diksateri me rritjen më të madhe

Qeveria vendosi të rrisë me 333 punonjës administratën e shtetit. Kështu në 2022 parashikohen 84 mijë e 82 punonjës ose 333 më shumë se në 2021.

Numri i punonjësve buxhetore për vitin e ardhshëm rezulton të jetë më i lartë në 5 vitet e fundit. Që nga 2018 listës së personave që paguhen nga taksat e qytetarëve i janë shtuar 2 mijë e 329 punonjës.

Shtimin më të lartë të punonjësve e ka Ministria e Jashtme me 43 vetë më shumë.

Në Ministrinë e Shëndetësisë janë shtuar vetëm 21 punonjës, në Ministrinë e Drejtësisë janë shtuar 17 persona më shumë edhe institucioni i Kryeministrisë do të ketë 10 persona më tepër staf nëse e krahasojmë me vitin 2021.

Vitin e kaluar i cili ishte një vit elektoral për shkak të mbajtjes së zgjedhjeve parlamentare, shtesa e punonjësve në administratë kapi nivele rekord me 1244 të tillë.

LEXO EDHE  Përplasja PD-LSI, Braimllari: Gazment, lër mandatin e deputetit dhe përballu me drejtësinë

Pak javë më parë Kryeministri Edi Rama deklaroi krizën që pritet të përballet vendi për shkak të energjisë. E ndërkohë që ka nisur rritja e çmimeve, që pritet të shoqërohet me një thellim të varfërisë dhe goditjes së shtresave të mesme, Qeveria nuk ka në plan të ulë shpenzimet, veçanërisht ato që konsideron si luksi.

Numri i punonjësve në administratë në vite

2018 81.753

2019 82.120

2020 82.458

2021 83.703

2022 84.082

KRYEMINISTRIA

2021 177 punonjës

2022 187 punonjës

Ministria e Shëndetësisë

2021 4293 punonjës

2022 4313 punonjës

Ministra e Jashtme

2021 577 punonjës

2022 620 punonjës