Bilanci ditor i Covid në Kosovë, 1 humbje jete dhe 22 raste të reja

Të mërkurën, në Kosovë është regjistruar një rast i vdekjes nga COVID-19. Autoritetet shëndetësore kanë regjistruar edhe 22 raste të të infektuarve nga koronavirusi i ri, nga 2.095 testime.

Gjatë 24 orëve janë shëruar edhe 20 pacientë, ndërsa raste aktive janë 428.

Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar mbi 160.000 pacientë me këtë virus.

LEXO EDHE  Zbulim i tmerrshëm/ Gjenden eshtra njerëzish në bodrumin e një pallati, dyshimet e para të policisë (FOTO)

Prej tyre 2.976 kanë vdekur.

Që nga muaji mars kur ka filluar fushata e vaksinimit deri më 27 tetor, janë dhënë mbi 1.5 milion doza të vaksinës.

Deri të mërkurën mbi 712.000 qytetarë janë vaksinuar me dozën e dytë.