Në Kosovë, janë regjistruar sot edhe gjashtë raste të reja me koronavirus, nga 1.427 testime.
Në 24 orët e fundit, nuk është regjistruar asnjë viktimë.
Autoritetet shëndetësore kanë bërë me dije se 21 persona janë shëruar gjatë 24 orëve të fundit, ndërsa 429 persona janë ende aktivë me koronavirus.
Prej shpërthimit të pandemisë në mars të vitit 2020, Instituti Kombëtar i Shëndetësisë Publike në Kosovë ka regjistruar mbi 160.000 raste të infektimit.
Prej tyre 2,978 persona kanë vdekur.
Sipas Ministrisë së Shëndetësisë, prej fillimit të vaksinimit, në muajin Mars, në të gjitha qytetet e Kosovës janë dhënë 1.580.000 doza të vaksinës. Deri më 11 nëntor, 746.000 qytetarë janë vaksinuar me dozën e dytë.