Deputeti Edi Paloka përmes një postimi në rrjetet sociale ka ironizuar një deklaratë të zv.Kryeministrit Arben Ahmetaj, i cili flet për ulje të varfërisë, por edhe mënyrën se si PD e drejtuar nga Lulzim Basha po bën opozitën.
Paloka shkruan se Rama dhe Ahmetaj nuk shporren me grisje letrash, recitime apo beteja boshe në Kuvend, pasi ato janë më komodë se kurrë me këtë situatë.
“Ky shkon tek Nusreti në Dubai (1 mijë dollare bifteku) “për të ngrënë një çap bukë” dhe vjen me Bentley (250 mijë dollarë) në Parlament e pastaj flet për varfërinë e shqiptarëve…!
Rama ndërkohë po ben gati dy muaj që shëtit me charter nëpër Botë!
Rama, ky dhe ata si ky, vërtetë që nuk e kanë ndërmend të ikin as nga Shqipëria e as nga Qeveria po nuk i shporrëm.
Po këta nuk shporren as me grisje letrash, as me recitime, as me beteja boshe në Parlament. Me këtë situatë, ata janë më komode se kurrë. Prandaj vazhdojne e tallen me shqiptarët”, shkruan Paloka.
