Nga Boldnews.al
Në orbitë do lëshojmë jo një por dy satelitë. Shtet me fuqi të jashtëzakonshme ku do i shohim plehrat nga hapësira, ndërtimet e oligarkëve nga Hëna, apo kanabizimin e vendit nga Marsi. Satelitët nuk është çudi të lëshohen nga Turqia dhe për mikun Ramë, presidenti turk Erdogan ti vendosë etikën “Albania 1 dhe Albania 2”. Çështje spektakli me “tallje sateliti”.
Nëse kryeministri e ka mendojen si të kapë ajrin, me teknologjinë e fundit, ne tokësorët e këmi keq situatën, përfshi edhe hallin e madh të plehrave që na zenë sytë dhe hundët. Edhe kryeministri e ka parë këtë fenomen që bashkë me kanabisin ka lulëzuar në epokën e Rilindjes.
Të 61 kryebashkiakët e vendit ndërsa ishin në takim me Ramën iu duk vetja si para gjykatësit që do jepte verdiktin: t’i në burg, t’i shpëton, t’i tjetri në “trekëmbëshin e turpit”. Kur ka tetë vite që qeveris vendin dhe që nga viti 2019 që ka marrë të gjitha bashkitë, kryeministri ynë kujtohet për plehrat që kanë mbuluar anekënd zonat urbane dhe rurale.
Fieri dhe Durrësi mbajnë rekordin e këqmenaxhimit të mbetjeve urbane dhe sidomos gjatë muajve të verës. Durrësi u bllokua nga plehrat dhe gati po kthehej në një destinacion të panjohur turistik ku në paketat udhëtimeve të përfshihej në guida atraksioni “plehra Rilindjeje”.
Edhe Fieri mbyti një qytet të tërë për një javë kur i vendosën shkprepsen plehrave në një çmenduri që mban era korrupsion pasi inceneratori thithi sërish dhjetra milionë euro. Megjithatë Rama bëri për “ujë të ftohtë” Goron e Himarës. Mbi të u hakërrye dhe me të drejtë. E kishte eksperiencë personale. Ndërsa ndodhej me pushime në Himarë dhe priste miq të mirë si Aleks Soros apo Grenëll, syrin e tij artistik ia vrau një kazan me mbetje. Mori në telefon kryebashkiakun në mes të natës duke e bërë për një lek, e ky i fundit më pas iu hakërrye drejtorit të pastrim gjelbrimit, drejtori përgjegjësit, përgjegjësi brigadierit dhe brigadieri punëtorit….
Halli u zgjidh, plehrat i larguan për disa orë, për tu bërë sërish kapic mu në hundën e turistëve dhe për më tepër i prishën imazhin qeverisë dhe oligarkisë që ka investuar në bregdetin e Himarës.
Iu la ultimatum Rama kryebashkiakëve, duke i kërcënuar se nëse nuk do bënin pastrimin e zonave që adminstrojnë bashkitë do të merreshin nga qeveria. Pra Rama të jetë edhe kryeministër, edhe kryebashkiak, edhe shefi i plehrave dhe sigurisht edhe piktor.
Këtu ka të drejtë, plehrat po mbysin vendin, por qëllimi i qeverisë rreh shumë larg, edhe më larg se “setelitët në orbitë”. Inceneratorët e Fierit dhe Tiranës po djegin deri më tani vetëm paranë publike, që me procedura dukshëm korruptive po majmin një grup personazh me pushtet. Në këtë pikë plehart e kanë një të mirë, janë mundësi për tu pasuruar nga të pushtetshmit. Kur të vijë koha e inceneratorëve që do djegin mbetjet edhe sateliti të jetë atje larg Rama do të kapë edhe një letër çokollate të hedhur Vlorë. Mjer Leli!
