Gazetari dhe moderatori Lutfi Dervishi ka reaguar në lidhje me situatën e rendit dhe drejtësisë në vend, ku sipas tij çdo gjë po bëhet me strategji nga lartë.
Sipas Dervishit, në SPAK janë 14 prokurorë nga të cilët kërkojmë gjithçka dhe ata e kanë kuptuar lojën dhe ‘bëjnë sikur…’ dhe nga krahu tjetër dosjet e nxehta ia dërgojnë prokurorive të rretheve!
Postimi i plotë i Lutfi Dervishit:
Strategji!
Që policia të mos merret me punën e saj: rendin publik, i është ngarkuar të merret:
me ndërtimet pa leje,
me pyjet,
me ndotjen e mjedisit,
me korrjen e kanabisit,
me shezlonët në plazh,
me covid-in,
me…
Në SPAK janë 14 prokurorë (7 për korrupsionin dhe 7 për krimin e organizuar). Nga 14 njerëz kërkojmë gjithçka (që nga hetimi bakshisheve, problemeve zgjedhore, etc) me përjashtim të hetimit të korrupsionit në nivele të larta!!!
Edhe SPAK – nuk është “naiv”! E kupton lojën “bëjmë sikur…” Dosjet e nxehta i dërgoi në prokuroritë e rretheve!
Dosjen e nxehtë të Bild ja ngeci prokurorisë së Dibrës!
Çështjen e 3.4 milionë euro të “tojotes” nga Belgjika e cilësoi “mos deklarim të hollash në kufi!!!” dhe ja dërgoi prokurorisë së Tiranës! Kaq!
