Mbetjet/ Rama zbulon “delet e zeza” ndër kryebashkiakët: Po s’punuat mirë, bashkitë do i marrë qeveria nën administrim

Kreu i qeverisë Edi Rama, gjatë një takimi me kryetarë bashkish në kryeministri këtë të Premte, bëri kritika ndaj disa syreshëve lidhur me menaxhimin e mbetjeve.

Gjatë fjalës së tij, Rama përmendi disa bashki si shembuj pozitivë për pastrimin e territorit dhe të tjerë si “dele të zeza”.

Për bashitë e Lezhës, Korcës, Maliqit, Beratit e Vaut të Dejës, Rama tha se kanë bërë punë të mirë në këtë aspekt.

Kritika lëshoi ndaj disa disa kryebashkiakëve e vecanërisht ndaj atij të Himarës, Jorgo Goro. “Është simboli i të fjeturit gjumë dhe maskarallëkut”, deklaroi Rama për Bashkinë e Himarës.

“Shkoni atje dhe gjeni një bashki, që në vend që të shkojë te pika fundore, i hedh në mes të lumit siç ndodh me bashkinë e Elbasanit, Durrësit, Kamzës dhe që ka krijuar një destinacion allasoji atje. Vetëm emri i mungon, pasi ata në Kamzë i vinin emra global destinacioneve”, u shpreh më tej kryeministri.

LEXO EDHE  Shehi: Basha një lider falimentar

Kritika pati edhe për bashkitë e Librazhdit, Peqinit, Gramshit, Prenjasit. Rama tha se ka probleme edhe në disa zona të thella të Tiranës.

Kreu i qeverisë tha se nëse kryebashkiakët nuk sigurojnë një ambient të pastër, atëherë qeveria do të marrë nën administrim bashkitë. Kjo, sipas Ramës, parashikohet edhe në ligj.

Kryeministri deklaroi se mbetjet do monitorohen dhe nga sateliti që sipas tij, do lëshohet në hapësirë në muajin Mars, ashtu si ndërtimet pa leje.

Po ashtu, Rama akuzoi kryebashiakët se japin leje të paligjshme për ndërtimin e karburanteve në rrugët kombëtare.

Përveç menaxhimit dhe administrimit të mbetjeve, kryeministri Rama foli në mbledhjen me kryetarët e bashkive edhe për ujësjellësit, për të cilët paralajmëroi se do të flasë më në detaje në javën e ardhshme. Rama ngriti shqetësimin se ujësjellësit janë kthyer në sektorë punësimi dhe sipas tij, shumë punonjësin e marrin rrogën kot.