Bino apel për tu vaksinuar: Covidi është i pabesë, vaksina nuk dëmton

Bashkia e Gjirokastrës është e para në vend sa i takon mbulesës vaksinale kundër Covid 19. Të dhënat u bënë me dije nga shefja e Shërbimit Epidemiologjik në ISHP, Silva Bino, në mbledhjen e Komitetit Teknik të Ekspertëve.

Ajo gjithashtu i bëri thirje studentëve dhe të rinjve të mos hezitojnë të vaksinohen.

“Vaksinimi vazhdon. Kanë ardhur mbi 2 milin e 200 mijë vaksina. Mbulesa vaksinale për grupin mbi 18 vjeç është 44% dhe 38% në rang kombëtar vetëm me një dozë. Vihet re rritje e përdorimit të vaksinës Pfizer që po i afrohet Coronavax. Javët e fundit ka rritje të grupmoshës nga 18-25 dhe 25-35 vjeç pavarësisht se mbulesa mbetet e ulët. Apelojmë studentët dhe të rinjtë të vaksinohen, vaksina është e sigurt për ta. Krijon imunitet dhe parandalon në një farë mënyrë dhe transmetueshmërinë. Covidi nuk ka besë. Covidi dëmton, vaksina nuk dëmton. Bashkitë që kanë mbulesë të lartë vaksinale është Gjirokastra, 78% me një dozë, dhe 71% me dy doza. Po arrin të gjitha nivelet europiane. Bashkia e Tepelenës, ka ecur mjaft mirë kohët e fundit Puka”, tha Bino.

LEXO EDHE  Kola: Jemi para një grushti shteti kundër Bashës