Komiteti Teknik i Ekspertëve, në një konferencë për shtyp tha se numri i rasteve të reja, viktimave dhe shtrimeve në spitale është rritur këto dy javë.
Komiteti theksoi se Tirana mbetet qyteti më problematik. Më tej, komiteti theksoi se pas festave kemi rritje të grupmoshave të prekura.
“Rritje të numrit të rasteve, incidenca javore ka shkuar në 209 raste për 100 mijë banorë. Është një rritje e rëndësishme pasi 2 javë më parë ishte nën 200. Këtë tavan prej 200 e kërkojnë edhe vendet e tjera.
Nga ana tjetër edhe incidenca 2-javore është rritur. Kemi edhe rritje të të shtruarve në spital por edhe numri i të vdekurve.
Vihet re një rritje graduale në të gjitha bashkitë e vendit. Vërehet një rritje e rasteve në të gjitha grupmoshat”, tha Shefja e Sëmundjeve Infektive në ISHP, Silva Bino.
