Sekretari i Përgjithshëm i PD, deputeti Gazment Bardhi, tha se sot konsiderohet si sukses plotësimi i vendeve vakante në Gjykatën e Lartë apo atë Kushtetuese, ndërkohë që në vitin e 6 të Reformës së Drejtësisë, duhej që qytetarëve t’u ofrohej drejtësi.
Bardhi tha se nuk ka asnjë prioritet lidhur me zgjatjen e afateve të Organeve të Vetting, pasi Kushtetuta e ka të zgjidhur çështjen, duke ia kaluar procesin KLGJ dhe KLP.
“Nuk ka aleat më të mirë për një qeverisje të korruptuar se sa një destabilitet i sistemit të drejtësisë, sikundër është sot në Shqipëri.
Korrupsioni dhe krimi i organizuar kanë kapur shtetin. Ne duhet të përqëndrohemi te prioritetet që kanë qytetarët nga reforma në drejtësi, që është goditja e krimit të organizuar dhe korrupsionit në nivele të larta, por edhe shkëkuptja e lidhjeve të politikës me krimin.
Nëse do të konsiderohet sukses plotësimi i disa vendeve në Gjykatën Kushtetuese apo të Lartë, atëherë edhe pas 16 vitesh do të konsiderojmë si sukeses të reformës plotësimin e disa vendeve në Gjykatat e Apelit”, tha Bardhi.
