Kryeministri Edi Rama deklaroi këtë të Premte se zgjatja e mandateve të organeve të vettingut është një domosdoshmëri.
Një domosdoshmëri që sipas tij, vjen si rezultat i një procesi që e ka treguar sesa i vyer që është për pastrimin e llumit nga sistemi i drejtësisë dhe për të nxjerrë në pah njerëzit me integritet dhe krye.
“Procesi nuk mund të ndërpritet, Reforma në Drejtësi është një reformë në partneritet me partnerët tanë ndërkombëtar dhe besoj se vija është shumë e ndarë. Reforma në Drejtësi nuk është diçka për t’u negociuar është diçka për tu kryer. S’ka kthim mbrapa, as qëndrim në vend numër. Kush i bie ndesh interesave të Reformës në Drejtësi i bie ndesh vendit, dhe aleatëve ndërkombëtar. Reforma në Drejtësi është kërkesë kombëtare këtë Kuvend”, tha Rama në një prononcim për gazetarët pas mbledhjes së kryesisë së Partisë Socialiste.
