Të premten, në Kosovë janë regjistruar 20 raste të reja me koronavirus, nga 1.467 testime.
Në njoftimin ditor për situatën epidemiologjike të Ministrisë së Shëndetësisë, thuhet se gjatë 24 orëve të fundit nuk është shënuar asnjë humbje jete.
Raste aktive janë 786, ndërsa janë shëruar edhe 158 persona.
Që nga fillimi i pandemisë, pranverën e vitit të kaluar, në Kosovë janë konfirmuar gjithsej mbi 160,000 raste me koronavirus dhe 2,973 viktima.
Kosova ka nisur fushatën e vaksinimit në fund të marsit. Deri të premten, mbi 656,000 qytetarë janë vaksinuar me dy doza.
