Analisti Armand Shkullaku në emisionin “Opinion” tha se Lulzim Basha si Kryetar i PD-së, duhet të pranojë realitetin e ri të krijuar në këtë parti, pas lëvizjes së nisur nga ish-Kryeministri Sali Berisha.
Shkullaku tha se Basha duhet të pranojë se lider të opozitës nuk e bën një përballje në Parlament, as Kryeministri Edi Rama, por e bëjnë votat e partisë së tij.
“Basha duhet të pranojë realitetin, duhet të pranojë se anëtarët e PD në rastin më të mirë janë të ndarë gjysëm për gjysëm”, tha Shkullaku. Sipas tij, Basha duhet të përballet me Berishën, duhet të tregojë se është lider, pasi opozita po shkon drejt një përçarjeje.
Shkullaku theksoi se opozita e bashkuar nuk arriti të fitonte ndaj regjimit të Edi Ramës, atëherë mendojeni se çfarë do të ndodhë, me një opozitë të përçarë, apo më tutje, me një PD të përçarë.
