FOTO/ Plagosja e dyfishtë në Tiranë, 3 të arrestuar, një tjetër në kërkim (Emrat)

Tre persona janë arrestuar dhe një i katërt është shpallur në kërkim lidhur me plagosjen e dyfishtë me armë zjarri, të ndodhur pasditen e djeshme në Tiranë.

Burime zyrtare nga policia konfirmuan këtë të Enjte se dy nga të arrestuarit akuzohen si të përfshirë në ngjarje, ndërsa i treti është arrestuar për moskallëzim krimi.

Në pranga u vunë:

  • Farjon Palushi, 27 vjeç, aktualisht me masë sigurie “Arrest në shtëpi” për veprën penale “Prodhimi dhe shitja e narkotikëve”;
  • Daniel Manushi, 27 vjeç, i dënuar më parë për veprën penale “Vrasje me dashje” e mbetur në tentativë.
  • U shpall në kërkim si autor i tretë i dyshuar i ngjarjes, shtetasi Islam Xhetani, 28 vjeç, i dënuar më parë për veprën penale “Vrasje me dashje” e mbetur në tentativë.
  • Po ashtu, në pranga u vu dhe A. N., 28 vjeç, për veprën penale “Moskallëzim i krimit”.
LEXO EDHE  Phillips: Serbët kanë mjaft të drejta në Kosovë, Asociacioni është i tepërt

“Këta shtetas, ditën e djeshme, rreth orës 17:00, në kryqëzimin e rrugës ‘Ndre Mjeda’ me rrugën ‘Frosina Plaku’, në bashkëpunim me njëri-tjetrin, dyshohet se kanë plagosur me armë zjarri shtetasit Aleksandër Nikolli 28 vjeç dhe Xhulio Vela, 26 vjeç, të cilët ndodhen në spital, nën kujdesin e mjekëve, njoftoi policia.

“Nga veprimet hetimore dyshohet se ngjarja ka ndodhur si pasojë e një konflikti të çastit, për motive të dobëta, midis autorëve të dyshuar dhe shtetasve të plagosur”, shtuan të njëjtat burime.

Efektivët kanë gjetur armën e zjarrit tip pistoletë e përdorur në vendngjarje nga autorët e dyshuar.

Nën drejtimin e Prokurorisë, vijon puna hetimore për dokumentimin e plotë të ngjarjes, mbyllet njoftimi i bluve.