FSHF-ja ndryshon axhendën, ja kur do të luhet supersfida Teuta-Tirana

Teuta-Tirana është një nga supersfidat e javës së 5-të të Abissnet Superiore. Ky takim ishte parashikuar të luhej ditën e diel më datë 17 tetor në orën 13:45 në stadiumin “Arena Egnatia”.

Ditën e sotme, FSHF-ja ka vendosur të ndryshojë orarin dhe stadiumin e kësaj përballje. Takimi është spostuar për në orën 19:45 dhe do të luhet në stadiumin “Elbasan Arena” me drita. Që nga fillimi i sezonit Teuta i ka luajtur ndeshjet si pritëse jashtë “Niko Dovanës” për shkak se fusha e stadiumit do të ribëhet nga e para.

LEXO EDHE  Demi konfirmon Dajën: Nuk heq kollaj njeri nga Partizani, ja kur do të jetë gati kompleksi i ri

Ditën e diel do të luhet gjithashtu edhe Partizani-Kukësi në orën 16:45, në stadiumin “Air Albania” në kryeqytet.

E diel, 17/10/2021

16:45 Partizani – Kukësi (Air Albania)

19:45 Teuta – Tirana (Elbasan Arena)