Ish-Kryeministri Sali Berisha nga Kukësi premtoi heqjen e traut të vendosur në rrugën e Kombit që javën e parë të Qeverisjes së Partisë Demokratike.
Berisha tha se absolutisht ky do të jetë vendimi i parë i Qeverisë së PD, pasi Edi Rama e vendosi si një ndëshkim për kuksianët.
“Në fillim përjashtoi nga skema e ndihmës ekonomike 20 mijë familje në Kukës, sepse ju nuk e votuat atë në 2013. Edi Rama është një armik i egër i veriut të Shqipërisë dhe Kosovës.
Çfarë bëri Edi Rama në 8 vitet e qeverisjes së tij? Ju solli thërrime nga investimet, për gjithë veriun e vendit, nuk ka sjellë investime sa i dha Gjushit të Durrësit.
Vendosi traun në rrugën e Kombit, paratë ia dha Safetëve që punojnë për të”, u shpreh Berisha.
