Deputetja demokrate Grida Duma ka publikuar në rrjetet sociale një video, sipas të cilës, kriza që njoftoi Kryeministri Edi Rama, nuk është energjitike, por kriza e korrupsionit.
Duma shkruan në rrjet se kjo është krizë e korrupsionit e shkaktuar nga një regjim që merr borxh, për të larë borxhin e tenderave sekretë, e koncesioneve dhe e PPP-vë që pastrojnë paratë në parajsat fiskale.
“Ndërkohë, shqiptarët e ndershëm jetojnë në ferrin e prodhuar nga makutëria e kësaj pakice, duke shënuar emrat në listat e borxheve për të marrë ato pak gjëra me të cilat mbajnë frymën e familjeve të tyre. Kjo është e vërteta”, shkruan Duma.
