Vrasja e një qeni gjuetie nga vetë gjahtari në Beuufort, SHBA, ka nxitur reagime të shumta. Në një video tronditëse,e cila është filmuar fshehurazi, shihet se si një gjahtar qëllon pa mëshirë me pistoletë në kokë një qen duke e lënë të ngordhur në vend. Më pas ai shihet duke e marrë me karrocë dhe e hedh në mbeturina.
Ajo që është tepër prekëse, është momenti kur gjahtari e shënjestron qenin në kokë dhe ai sikur ta kuptonte se çfarë kishte për qëllim i zoti, shtrihet në tokë dhe mundohet t’i shmanget armës. Por në fund gjahtari arrin ta shënjestrojë dhe e qëllon pa iu dridhur dora. Sipas dëshmitarëve okularë, atë ditë u qëlluan katër qen gjahu dhe arsyeja ishte se ata konsideroheshin si të papërshtatshëm për gjueti.
Burimi: dailymail