Dita e sotme, si pasojë e vlerave të ulëta, do të karakterizohet nga mot kryesisht i vranët. Më të shpeshta vranësirat paraqiten në qendër dhe jug të territorit duke rrezikuar reshje të dobëta shiu si edhe reshje te pakta dëbore në zona të thella malore.
Orët e pasdites sjellin përmirësim të përkohshëm të motit duke rikthyer kthjellimet, kjo pasi mbrëmja shton serish vranësirat në territor duke krijuar mundësi për reshje shiu në zonat Jugore, parashikon MeteoAlb.
Temperaturat e ajrit do të rriten në orët e mëngjesit dhe mesditës duke luhatur vlerat ditore nga 5°C deri në 24°C.
Era do të fryjë mesatarisht me shpejtësi 50 km/h kryesisht nga drejtimi verior verilindor duke gjeneruar në Adriatik dhe Jon dallgëzim mbi 4 ballë.
Rajoni dhe Europa
Si rezultat i zhvillimit te disa mini ciklonëve mbi detin Adriatik dhe Jon, rajoni i Ballkanit dominohet nga rrebeshe shiu të shoqëruara me stuhi afat-shkurtra ere.
Gjithashtu, gadishulli Skandinav mbetet me vranësira dhe reshje te dendura shiu. Ndërsa Europa Lindore dhe Qendrore do të jenë në ndikimin e kushteve të qëndrueshme atmosferike ku kthjellimet do te jene dominante.