Në gjendje të mjeruar ekonomike, 60-vjeçari: Shteti duhet ta shohë popullin dhe fukarenjtë

Nuk është një magazinë, por një shtëpi në kryeqytet ku jetojnë 7 persona anëtarët e së cilës jetojnë si në Mesjetë.

Në këtë shtëpi në Babrru pothuajse gjithçka mungon, ndërsa pjesëtarët e saj ngrysen në jo pak raste të paushqyer

Të ardhur nga fshatrat e Burrelit që në vitin 1995 jetesa në kryeqytet nuk ishte ashtu siç e kishin menduar.

Mes dhimbjes që e ka kapluar, Përparim Selita 60 vjeç tregon se të ardhurat i siguron nga mbledhja e kanaçeve nëpër kazanët e plehrave.

“As ndihmë, as pension, vetëm çfarë punojmë. Jetoj me mbeturina, kanaçe.”

60 vjeçari thotë se është interesuar për të marrë ndihmë financiare por e kotë .

LEXO EDHE  Vrasjet dhe grabitjet në 24 orët e fundit/ Berisha: Rendi në duart e mafies së drogës dhe krimit

“Jam munduar për një asistencë, 2 vjet në shtet e në qeveri nuk ma dhanë.”

Mes sëmundjeve dhe 1000 halleve të tjera ai kërkon ndihmë nga shteti e shpreson që nëpërmjet medies dikush do ta shohë e do t’i kthejë sytë nga ai.

“Shteti duhet ta shohë popullin dhe fukarenjtë. Kam nevojë për një asistencë ose një pension.”/OraNews/