F1, Turqi/ Hamilton më i shpejti por humbet 10 pozicione, Bottas e Verstappen nisen nga vija e parë

Piloti britanik i Mercedes, Lewis Hamilton, ka qenë më i shpejti sot pasdite në pistën e Stamboll, ku nesër do të zhvillohet gara e Çmimit të Madh të Turqisë. 7 herë kampioni i botës dha kohën 1’22”868, duke vendosur edhe rekord të pistës.

Gjithsesi, Hamilton do ta nisë garën e nesërme nga vendi i 11-të, pas penalizimit me 10 pozicione për shkak se ka ndërruar disa pjesë të motorit. Të tij. Për pasoja, nga vija e parë nesër do ta nisin garën Valtteri Bottas (Mercedes) dhe Max Verstappen (Red Bull).

LEXO EDHE  Serie A/ Milan-Torino, ndiqni sfidën “LIVE”

Ata u klasifikuan sot në vendet 2-3, por përfituan nga një pozicion pas penalizimit të britanikut. Ndaj, për Bottas vjen një “pole position” i dhuruar. I katërti u rendit Charles Leclerc me Ferrari (niset i treti), ndërsa shoku i tij i skuadrës, Carlos Sainz, do ta nisë garën nga vendi i fundit (ndërroi motorin).