VIDEO/ Policia greke pla*os një shqiptar në qendër të Athinës, ja çfarë ka ndodhur

Një shqiptar ka mbetur i plagosur pas një përplasjeje që pati me policinë greke. Ngjarja ka ndodhur mëngjesin e sotëm në Athinë, ku sipas raportimeve në kryqëzimin e rrugëve ‘Aristotelous’ dhe ‘Marnis’, një shtetas shqiptar ka refuzuar të ndalojë automjetin, pas thirrjes që i bëri për të ndaluar policia.

Shqiptari, i cili drejtonte një automjet, ka rritur shpejtësinë duke goditur dhe makinën e policisë, në një përpjekje për t´u larguar.

Por ndaj tij, është qëlluar me armë nga një prej policëve grekë, ndërsa shqiptari raportohet se është plagosur.

LEXO EDHE  Nga lojërat e fatit te trafiku i dr*gës, 9 të arrestuar në Tiranë

Gazeta greke “Protothema” raporton se një patrullë e policisë konstatoi një automjet tip Peugeot dhe i bëri shenjë që të ndalonte.

Sipas mediave, punonjësi i policisë qëlloi dy herë me armë në drejtim të shqiptarit. Njëri nga plumbat e preku në këmbë, duke e lënë të plagosur. Shtetasi shqiptar është dërguar në spital për ndihmë mjekësore.

Sipas të dhënave të deritanishme, makina e shqiptarit ishte e vjedhur dhe kjo ka qenë dhe arsyeja se pse policia kërkoi që ai të ndalonte.