Jepet vendimi i Gjykatës së Assizes, për Edmond Comon, i shpallur fajtor për vrasjen e 39-vjeçarit, Besnik Metaj, në Itali.
Gjykata dënoi Edmond Como, 46 vjeç bashkatdhetar i viktimës, me burgim të përjetshëm. Bashkëpunëtori i dyshuar Arjan Drekaj ka zgjedhur procedurën e shkurtuar dhe do të gjykohet në një procedim tjetër.
Sipas hetimeve ka dyshime se Metaj u vra për një kredi droge që kishte ndaj Edmond Como. 42-vjeçari shqiptar ishte zhdukur më 5 mars 2017 dhe u gjet i varrosur në pyjet e Eupilio më 2 prill. Mediat italiane kanë raportuar se gjatë seancës gjyqësore, Edmon Çomo tha:
“Unë jam një tregtar droge, por unë nuk jam vrasës. Mua më kanë bërë si përbindësh, por unë nuk bëra asgjë. Nëse do të kisha vrarë vërtet, së pari do të kisha siguruar familjen time që ende jeton këtu”.
Por fjalët e tij nuk e bindën gjykatësin që ta dënonte me 46-vjeçarin shqiptar me burgim të përjetshëm. Pas vrasjes, Edmond Como kishte shkuar në Shqipëri. Sipas prokurorëve kjo ishte një arratisje për të mbuluar krimin.
Kujtojmë se ngjarja ka ndodhur më 5 mars 2017, ku është shpallur i zhdukur, Besnik Metaj, për tu gjetur pas 1 muaji i vdekur në rrëzë të malit Cornizzolo, në zonën Erbese.
Trupi i Metajt, u gjet më 2 prill lakuriq, në një pozicion fetuesi, ndërsa raportohet se shqiptari u vra me tre të shtëna me armë në kokë, të cilat krisën në distancë të afërt.
Viktima u varros në një gropë, e cila – sipas asaj që u rindërtua nga hetuesit – ishte detyruar ta gërmonte vetë.
Besniku u identifikua nga shenjat e gishtave.
