Ish-kryeministri Sali Berisha e quajti Lulzim Bashën “ish-kryetar të Partisë Demokratike”. Nga “Foltorja” që po zhvillohet në Elbasan këtë të Premte, Berisha tha se Basha duhet të jepte dorëheqjen pas humbjes së zgjedhjeve. Ai e akuzoi atë për bashkëpunim me kryeministrin Edi Rama.
“Ish-kryetari kaloi nga humbja në humbje dhe nuk mendon se s’duhet të hapë rrugë që të shkojmë drejt fitores”, u shpreh Berisha.
Bashën e quajti Bashën “peng të Ramës”.
Berisha tha se Basha e mori vendimin për përjashtimin e tij nga grupi demokrat parlamentar, “për të shpëtuar karrigen”. Një vendim për të cilin Basha nuk ka tagër, shtoi ai.
“Humbi zgjedhjet e shpalli masakrën, në vend të mbronte votën, ta denonconte masakrën zgjedhore, u mor me zgjedhjen e vet dhe karrigen e tij”, tha Berisha.
Ish-kryeministri kërkoi nga demokratët firma për të mbledhur Kuvendin Kombëtar të PD për vendimin e Bashës.
Akuza, ish-kryeministri, lëshoi dhe ndaj kryeministrit Edi Rama.
“Foltores” së sotme iu bashkua dhe deputeti demokrat Luçiano Boçi.
