Edi Paloka, kryetari i Këshillit Kombëtar të Partisë Demokratike, shprehet se Ardi Veliu ka kryer krime në shërbim të Ramës.
Në një reagim në rrjetet sociale, Paloka shkruan se problemi tek Ardian Veliu nuk ishte drejtshkrimi (duke iu referuar një letre të Veliut me shumë gabime drejtshkrimore, që u bë virale në rrjetet sociale), “por shkeljet e rënda të ligjit, krimet që ai kreu duke u vënë tërësisht në shërbim të Ramës”.
Prandaj, shton Paloka, ai nuk shkarkohet por jep dorëheqje.
“E tani, në vend të qelisë së burgut, do gëzojë i qetë gjithçka mori si shpërblim nga Rama dhe nga krimi gjatë ‘mandatit të tij të parë”, përfundon kryetari i Këshillit Kombëtar të PD.
