Formula 1 do të ketë 23 gara në vitin e ardhshëm dhe një e treta e tyre mund të zhvillohen sipas formatit sprint, i cili u testua në këtë kampionat.
Shefi ekzekutiv i këtij sporti, Stefano Domenicali sqaroi se ky format është përdorur në Silverston dhe Monza, e po ashtu do të aplikohet në Interlagos në Brazil.
Ndryshe nga garat e tjera, në formatin sprint, kualifikueset zhvillohen të premten, të shtunën ka një garë 100 km, që vendos më pas renditjen e makinave për nisjen e në çmimin e madh të së dielës.
Pikët jepen për tri pilotët e parë, në një sistem 3-2-1.
Domenikali tregoi se sezoni 2022 do të mbahet nga mesi i Marsit deri në mes të Nëntorit, e ka të ngjarë që të jetë i pari që të mbarojë më herët në një dekadë, me kalendarin që pritet që të publikohet më vonë këtë muaj.
“E thamë në nisje të vitit se do të bëheshin tri teste këtë vit, që të bënim të mundur të kemi planin e saktë për të ardhmen.
Shumica e komenteve që në morëm ishin super pozitive. Promotorët janë shumë të lumtur sepse është një diçka e re dhe e rëndësishme të premten dhe të shtunën e të dielën…pra, në vija të përgjithshme ky ka qenë një sukses i jashtëzakonshëm.
“Këtë gjë duam ta mbajmë në 1/3 e garave”, është shprehurDomenikali.
Në këtë sezon të Formula 1 do të zhvillohen 22 gara dhe kampionati përfundon në 12 Dhjetor.
