Teuta i shkakton Kukësit humbjen e parë sezonale dhe e rrëzon nga kreu i Abissnet Superiore.
Në “Elbasan Arena” u luajt një nga ndeshjet më të bukura deri tani të kampionatit shqiptar ku Teuta fitoi me rezultatin 3-2 ndaj Kukësit dhe dukej se kjo sfidë nuk kishte fund për nga emocionet që dhuroi.
Gjithçka ndodhi në pjesën e parë, ku fillimisht Aleksi në 9’ surprizoi verilindorët me golin e shpejtë por Feijao në 15’ dhe Taipi në 27’ me penallti përmbysën situatën në favor të Kukësit.
Nuk mbaron këto sepse në 35’, sulmuesi veteran, Plaku barazoi shifrat në 2-2 dhe në 45’ Koubemba shënoi edhe golin e tretë për Teutën në një pjesë të parë spektakolare.
Edhe e dyta nuk ishte më pak ku nuk munguan rastet por vetëm se nuk u konkretizuan ashtu si në 45’ minutat e para.
Një rast që do të diskutohet gjatë është edhe goli i anuluar me VAR për Kukësin nga Correira i cili ishte me milimetra mbi vijën e pozicionit të rregullt.
Gjithsesi sfida përfundon 3-2 për Teutën që tashmë ndan kreun me Tiranën me 8 pikë dhe Kukësi mbetet në vend të dytë me 7 pikë.
