Ankesat për ngjyrën e topit, Federata rikthen atë të sezonit të kaluar. Topi i Abissnet Superiore është bërë temë debati pas tre javëve të para, pikërisht për shkak të ngjyrave të tij, pasi ngjan shumë me atë që përdoret në fushat e mbuluara nga dëbora dhe shpesh shihet me vështirësi.
Shumë futbollistë ankohen se ngjyrat e tij përafrojnë me atë të fanellës së disa prej skuadrave dhe kjo vështirëson jo pak shikimin e tij në fushë, megjithatë së fundi duket se Federata Shqiptare e Futbollit ka vlerësuar maksimalisht këtë shqetësim.
Kështu në sfidën Dinamo-Partizani u përdor një top tjetër, i njëjti që është përdorur sezonin e kaluar, në pritje për të gjetur një zgjidhje të përhershme.
