Ish-Kryeministri Sali Berisha përmes një postimi në rrjetet sociale e ka konsideruar si një moment të veçantë rihapjen e Ambasadës së SHBA në Tiranë më 1 tetor të 30 viteve më parë.
Ndërsa ka postuar një foto nga takimet me Presidentët dhe Sekretarët e Shtetit të SHBA, Berisha shpreh mirënjohjen për drejtuesit më të lartë të kombit amerikan për mbështetjen që i kanë dhënë Shqipërisë dhe Kosovës.
“Kjo është një ditë për të shprehur mirënjohjen me të thellë, Presidentit George H. Bush, Sekretarit Baker, diplomatëve që hapën 30 vite më parë ambasadën e SHBA në Tirane, Bill Rayerson dhe Christopher Hill për aktin e tyre madhor të 30 viteve më parë, si dhe të gjithë burrështetasve të mëdhenj dhe diplomatëve të talentuar të kombit amerikan për kontributet e tyre historike në marrëdhëniet miqësore midis dy vendeve tona”, shkruan Berisha.
Postimi nga Sali Berisha
Sot 30 vjetori i rihapjes së ambasadës së SHBA në Tiranë!
Miq, pas rivendosjes se marrëdhënieve diplomatike me dt 15 mars 1991 dhe vizitës historike te Sekretarit te Shtetit, James Baker me qershor te vitit 1991, presidenti George H. Bush miku i madh i kombit shqiptar emëroi dhe ambasadorin e pare te SHBA ne Shqipëri, William Ryerson mik i çmuar i vendit tone dhe hapjen me datën 1 tetor te vitit 1991 te ambasadës se SHBA ne Tirane.
Ne këto 30 vite marrëdhëniet midis Shqipërisë dhe SHBA kane njohur zhvillimet me historike. Vendi i madh i lirisë nen udhëheqjen e presidenteve George H. Bush, Bill Klinton, George W. Bush, Barack Obama, Donald Trump dhe Joe Biden i dha Shqipërisë, Kosovës dhe kombit shqiptar ndihmën me te jashtëzakonshme ne rrugën e tyre te lirisë, demokracisë, integrimit ne NATO dhe çlirimin dhe Pavarësinë e Kosovës.
Kjo është një dite për te shprehur mirënjohjen me te thelle, Presidentit George H. Bush, Sekretarit Baker, diplomateve qe hapen 30 vite me pare ambasadën e SHBA ne Tirane, Bill Rayerson dhe Christopher Hill per aktin e tyre madhor te 30 viteve me pare si dhe te gjithë burrështetasve te mëdhenj dhe diplomateve te talentuar te kombit amerikan për kontributet e tyre historike ne marrëdhëniet miqësore midis dy vendeve tona!!
