Gjykata e Lezhës ka vendosur masën e sigurisë “Arrest me burg” për dy shokët e Aldi Ramës, Armando Marku dhe Kristjan Sherri.
Ata akuzohen për veprat penale “moskallëzim krimi” dhe “përkrahje e autorit të krimit”. Marku ka qenë i dënuar edhe më parë për veprën penale “vjedhja”.
Të dy djemtë ishin pranë Aldi Ramës kur nxori armën për të qëlluar për vdekje oficerin e policisë, Saimir Hoxha. Efektivët kishin dalë për kontroll pasi kishin marrë informacion për parcelë droge dhe kishin ndeshur mjetin me 3 të rinjtë.
Sipas një rindërtimi të ngjarjes nga autoritetet, shefi i krimeve Leonard Palushi ndaloi drejtuesin Armando Marku, i cili zbriti që t’i japë dokumentet, së bashku me Kristian Sherin, ndërsa pasagjeri i tretë nuk zbriti. Saimir Hoxha iu drejtua pasagjerit dhe i kërkoi të zbresë sepse do kontrollohej. Aldi Rama i tha vetëm një fjali të vetme: “Unë nuk jam për kontroll”, më pas nxori armën dhe e qëlloi. Ai kaloi në sedijen e shoferit dhe ia mbathi nga vendi i ngjarjes. Policia nisi kontrollet për gjetjen e tij dhe në momentin kur kuptoi se ishte rrethuar nga efektivët, Aldi Rama qëlloi veten dhe ndërroi jetë në spitalin e Traumës.
Ndërsa shokët e tij thanë se s’ishin për një cigare kanabis, dhe nuk e dinin që shoku kishte armë.
