Mikela Pupa është një nga konkurrentet e sezonit të 3 të “Për’puthen” që ka tërhequr më shumë vëmendjen pas debateve të ashpra në studio me konkurrentët e tjerë.
Mikela ka marrë shpesh komente diskriminuese për ngjyrën e saj të lëkurës, duke e quajtur me termat “gabele” dhe “jevg” e për këtë shak ajo ka reaguar në rrjete sociale.
“Nuk e dija që jemi popull kaq racist, përpos ofendimeve që dihet se nuk jam në pëlqimet e çdokujt, ofendimi që më ka tërhequr vëmendjen është jevg, gabele. Si tregoheni kaq racista more njerëz.
Unë nuk jam rome edhe nëse do isha, do isha krenare dhe do e thoja publikisht. Njeriun nuk e bën ngjyra, njeriun e bën zemra. Nëse do isha rome çfarë? Nuk duhet të flas, nuk duhet të dal në tv, nuk kam të drejtë të kem jetë si çdokush? Ju lutem thuajini stop këtij lloj racizmi dhe largoni mllefet, mbusheni jetën tuaj me pozitivitet. Të jesh romë nuk është turp as ofendim, jemi të gjithë të barabartë. Duajeni veten siç jeni dhe mundohuni të realizoni ëndrrat tuaja”- shkroi Mikela.
