Ndërsa e konsideroi Lulzim Bashën një peng të Edi Ramës dhe një ish-Kryetar të PD, ish-Kryeministri Sali Berisha, paralajmëroi edhe Kryeministri Rama, kur tha se “pasi të merremi me pengun, do merremi edhe me padronin e pengut”.
Nga Foltorja e Durrësit, ish-kryeministri Sali Berisha tha “e paralajmëroj Edi Ramën: mos luaj me fatet e pluralizmit në Shqipëri se do të presë fati i paraardhësve të tu”.
“Rregullat janë rregulla. Kape peng një njeri dhe kujton se do të shkelmosh mbi 620 mijë shqiptarë, që votuan ndryshe nga ti, kundër teje, pa llogaritur dhjetëra-mijëra të tjerë që u bleve votën.
Në greminë po shkon. Pasi të merremi me pengun, do merremi me padronin e pengut dhe përgjegjësia për të do jetë më e madhe se e kujtdo tjetër,” tha Berisha.
Sipas tij, demokratët janë në një mision për të ndryshuar qeverisjen, por gjithçka duhet ta nisin nga vetja.
