Një ngjarje e rëndë ka ndodhur ditë e premte rreth orës 11:00 në Lushnjë, pasi policia ka dhunuar tri gra të cilat janë trashëgimtare të një prone aty.
Gratë u shprehën se Bashkia Lushnjë i ka lajmëruar se duhet të lirojnë tokën për shkak se aty do të bëhen varreza publike. Por me atë tokë zonjat mbahen, pasi e mbjellin dhe e shfrytëzojnë.
Megjithatë, sipas dëshmisë së grave, policia ka ndërhyrë dhunshëm dhe i ka shoqëruar edhe në komisariat. Dy nga të dhunuarat janë 71 vjeçarja Elisabeta Licka dhe Hava Shefa 58 vjeçe.
“Jam e bija e Haxhi Markut, trashëgimtare e tokës. Ne kemi marrë dokumentet nga arkivat e shtetit. Na sjellin dokument tjetër që është në pronësi të bashkisë. Kurrë asnjëherë nuk ka bashkia këtu tokë. Kjo tokë është marrë në kohën e Zogut. Babai im m’i ka treguar të gjitha. 4300 janë këtu. Kjo bashki më ka dhunuar aq shumë atë ditë. Më ka grisur urdhërin që ka dërguar vetë. E grisi policia. Nuk e kuptoj pse e grisi. E bëjnë me qëllim. Jemi 5 veta trashëgimtarë. Policia direkt më ka dhunuar se isha e bija e Haxhiut. Prezent ishte vëllai im, por ai është me tension. Ishin dhe dy mbesat e mia. M’i kanë dhunuar aq shumë. Na shoqëruan me zor. Rrobat e mia kaluan në qafë. Shyqyr isha me pantallona se do isha gjithë gjak. Më kapi në mes policia dhe nuk na lëshonte. Kanë dëmtuar tokën e mbjellë me jonxh dhe bahçen ku mund të ishte kokrra e domates e freskët e mirë. Jemi lajm
ëruar shumë vonë qëllimisht” – u shpreh për Fax News njëra nga gratë e dhunuara.
Një grua tjetër deklaroi:
Jam e bija e Arif Markut. Babai im e ka tokën këtu. Vëllezërit e mi ushqehen me këtë tokë. Pa pension, pa punë. Kjo vendosi ta marri për varreza publike. Nuk kemi kundërshtim, por kjo tokë të dëmshpërblehet. Pse nuk na ndihmon kjo si kryetare bashkie. Ne dhe ligjet nuk i dimë. Erdhën me forcë, morën urdhër. I kemi kërkuar të na presë kryetarja, që të sqarojmë disa gjëra. Ajo tha jo. Jemi shumë të prekur. Jam direkt e dhunuar nga policia. Jam tërhequr zvarrë. Jam e operuar. I kam thënë më lëshoni se jam e operuar dhe nuk hipi dot në furgon kështu si më tërhiqni ju. Shteti nuk funksionon kështu. Dua dëmshpërblim.
Mirëpo në hapësire e tokës ku kërkojnë varreze eshte perrua dhe ne dimer ka rrezik per te gjithe. Te premten jane shkulur peme ulliri dhe jo vetem.
