“Në Shqipëri flitet shumë për pandeminë, por bëhet shumë pak”, u shpreh kryetarja e Federatës së Mjekëve Shqiptarë në Evropë, Aurora Dollenberg.
Në një intervistë për RTV Ora, Dollenberg u shpreh se është një hendek, mes të thënit dhe të asaj që bëhet me të vërtetë.
“Shifrat flasin vetë. Nëse në Europë janë mbi 60% të vaksinuar, po të flasim për Gjermaninë janë 80% të vaksinuar, në Shqipëri janë 80 % të pavaksinuar.
Jemi fajtorë si pjesa mediatike, por edhe institucionet përkatëse, që të fokusohet këshillimi në zyrat kompetente të mjekëve dhe jo nëpër studiot televizive. Shifrat tregojnë për një proces të stopuar të vaksinimit.
Kemi kaluar 9 mujorshin dhe akoma jemi te 20% e popullsisë që janë vaksinuar. Shqipëria mesa duket ka vendosur të qëndrojë në vend dhe të presë për një valë të katërt, ku mund ta gjejë të papërgatitur”, tha ajo.
