Goditet grupi i drogës në Elbasan/ 10 të rinj në pranga, një vajzë nën hetim

Dhjetë persona janë arrestuar dhe një tjetër është proceduar penalisht në një aksion antidrogë të policisë dhe prokurorisë së Elbasanit. Aksioni i koduar “Lugaxhi” erdhi “bazuar në informacionet se disa shtetas merreshin me shitjen e lëndëve narkotike”, sqaruan burime zyrtare.

Në pranga u vunë: E.B., 36 vjeç, G.M., 28 vjeç , A.C., 38 vjeç, të tre banues në fshatin Lugaxhi, Elbasan, E.Q., 27 vjeç, V.C., 22 vjeç, R.A., 23 vjeç, dhe E.Q., 17 vjeç, banues në Elbasan. A.B., 20 vjeç, A.B., 20 vjeç, A. B., 26 vjeç, të tre banues në fshatin Rinas-Gurakuq, Elbasan .

U procedua penalisht në gjendje të lirë shtetasja K.P., banuese në Elbasan, pasi në bashkëpunim me personat e arrestuar dyshohet se kryente aktivitetin kriminal të shpërndarjes së lëndëve narkotike.

LEXO EDHE  Helmimet në Krujë, flet mjeku: Institucionet reaguan vonë

Policia sqaroi se arrestimi i këtyre personave u bë pasi gjatë kontrollit të dy automjeteve që drejtoheshin nga A.B. dhe E. Q., si dhe gjatë kontrollit të ushtruar në lokalin e E. Q., dhe motoçikletës që drejtohej nga G.M., shërbimet e Policisë kanë gjetur dhe sekuestruar në cilësin e provës matriale 5 kilogramë lëndë narkotike kanabis sativa, një pjesë e bërë në doza gati për shitje, doza me lëndë narkotike kokainë, 3 automjete, 1 motoçikletë, 10 telefona celular, 1 peshore elektronike, si dhe një shumë parash që dyshohet se janë të përfituara nga shitja e lëndës narkotike.

Materialet iu referuan për veprime të mëtejshme, Prokurorisë së Rrethit Gjyqësor Elbasan, për veprën penale “Prodhimi dhe shitja e narkotikëve” e kryer në bashkëpunim”, shtuan të njëjtat burime.