Nga Boldnews.al
Kompania shtetërorë që kontrollon hapësirën ajrore shqiptare vijon të shpenzojë pa kufij. Boldnews.al ka hulumtuar tenderat e kësaj kompanie, ku ajo që bie në sy është se shifrat janë më të vërtetë të larta. Duke u “fshehur” pas pajisjeve teknike, drejtuesit ia kanë dalë që të favorizojnë kompani të ndryshme. Por, redaksia jonë është ndalur në një procedurë të majme që po zhvillon Albcontrol.
Pak ditë më parë, Albcontrol ka njoftuar Agjencinë e Prokurimit Publik për bërjen e një tenderi të ri. Bëhet fjalë për një tender pastrimi të ambienteve, ndryshe nga ato të pajisjeve. Por, shikoni apo numëroni pak shifrat e përmëndura. “Shërbimi i pastrimit të ambienteve të Albcontrol” është titulli i tenderit, ndërsa vlera e kontratës është plot 129.166.666 lekë. Ose, 1.3 miliardë lekë të vjetra ose nëse do ta konvertojmë në euro, rreth 1.2 milionë euro. Nuk bëhet fjalë për pastrimin e qyteteve. Në fakt, kaq shpenzon Lushnja, Berati apo Peshkopia për pastrimin e qytetit. Por, kaq po shpenzon Albcontrol, me qëllim që punonjësit që marrin një rrogë mesatare 3 mijë euro në muaj të qendrojnë pastër. Por, në çfarë realiteti janë këta punonjës apo edhe drejtuesit e tyre? Natyrisht, janë mësuar me luksin që u ka lënë Bela (Belinda Balluku), pasi ajo u ka plotësuar të gjitha kushtet, madje u ka bërë edhe palestër brenda ambienteve kur ka qenë drejtoreshë. Dhe, për inerci vijojnë që të shpenzojnë pa para’ pa asnjë kufi.
Por, le të bëjmë një krahasim. Në të njëjtën kohë me Albcontrol, ka hapur tender edhe Spitali Ushtarak. Sipas dokumenteve që ka siguruar Boldnews.al, tenderi është për 36 muaj me objekt “shërbim pastrimi, për Spitalin Universitar të Traumës”. Vlera e tenderit është vetëm 96.103.933 lekë. Pra, disa herë më e ulët sesa e Albcontrol. Dhe, për më tepër, tenderi i Spitalit Ushtarak është për 2 vite. Madje, do pastrohen mijëra metra katrorë që pret dhe përcjell qindra mijëra pacientë nga e gjithë Shqipëria. Por, menderja e punonjësve të Albcontrol do më shumë para’ për t’u pastruar sesa e qindra mijërave shqiptarëve.
