Shkarkohet nga detyra gjyqtari i Apelit të Durrësit

Gjyqtari i Apelit të Durrësit, Izet Dushaj pas vendimit të shkarkimit në KPK/ Foto-Birn

Komisioni i Pavarur i Kualifikimit shpalli të Enjten vendimin e shkarkimit nga detyra të gjyqtarit të Apelit të Durrësit, Izet Dushaj.

Procesi i vetingut për gjyqtarin Dushaj u krye nga trupa e kryesuar nga Firdes Shuli, me relatore Pamela Qirkon dhe anëtar Olsi Komicin.

Gjatë seancës dëgjimore, të Martën e 21 Shtatorit, Dushaj u përball në KPK me barrë prove mbi kontratat për shit-blerjen e dy apartamenteve, si dhe u gjet me një bilanc negativ prej 11 milionë lekësh. Dushaj mohoi problemet dhe kërkoi hetim në dy kriteret e tjera të rivlerësimit, atë të pastërtisë së figurës dhe profesionalizmit.

Në seancën dëgjimore u ngritën dyshime edhe për gjendjen e subjektit në kushtet e konfliktit të interesit në përdorimin e një makine në pronësi të një personi të dënuar për vrasje. Nga sa u relatua, kishte rezultuar se Dushaj kishte gjykuar pesë vite para marrjes së makinës një kërkesë të pronarit të saj me objekt rivendosje në afat.

LEXO EDHE  Edhe Braçe i revoltuar me Samir Manen: Fshati ka traktorë e zetorë, jo rezidenca për familjet e pasura

Gjatë shpalljes së vendimit, kryesuesja Shuli sqaroi se nuk është pranuar kërkesa e Dushajt për riçeljen e hetimit për dy kriteret e tjera, pasi provat dhe shpjegimet e tij nuk kanë qenë të mjaftueshme për të kundërshtuar barrën e provës për pasurinë.

Lexo edhe:

Kontratat mbi dy apartamente vënë në vështirësi gjyqtarin Izet Dushaj