Itali/ Kapet 38-vjeçari shqiptar me 1 milion euro drogë në makinë

Policia e Riminit, në Itali ka nisur një aksion patrullimi për të luftuar trafikun dhe shpërndarjen e drogës.

Shërbimet e kryera në sektorin specifik bënë të mundur kapjen e mbi 7 kilogramë drogë dhe arrestimin e 3 personave, mes tyre dhe 38-vjeçari shqiptar.

38 vjeçari, me kombësi shqiptare raportoi se po kalonte në Brindisi për tu nisur drejt Shqipërisë, por gjatë një kontrolli rutinë policia zbuloi se ai kishte fshehur drogë në pjesën e pasme të radios së makinës.

Gjatë kontrollit, iu gjetën 12 copa heroinë të mbështjella me mbështjellës celofani dhe të mbyllur me shirit paketimi: një paketim, i bërë posaçërisht për të shpëtuar nga nuhatja e qenve të drogës.

LEXO EDHE  Ndodh në Tiranë/ Fshehu 66 mijë euro te lodrat e fëmijëve, por iu zhdukën për pak minuta

Lënda narkotike, dy telefona celularë, 760 euro para në dorë dhe makina u sekuestruan dhe korrieri u arrestua për posedim dhe trafik droge dhe u dërgua në burgun e Riminit.

Heroina e pastër e kapur, e prerë dhe e hedhur në treg, mund të kishte sjellë mbi 1 milion euro për krimin e organizuar.