Një 35-vjeçar është arrestuar nga policia e Durrësit, pasi akuzohet se kundërshtoi dhe goditi efektivët për shkak të detyrës.
“Specialistët për Hetimin e Krimit në Komisariatin e Policisë Durrës arrestuan në flagrancë shtetasin Sh.M., 35 vjeç, banues në lagjen nr.15, për veprat penale ‘Kundërshtimi i punonjësit të policisë së rendit publik’ dhe ‘Goditje për shkak të detyrës’“, njoftoi policia.
Ky shtetas, pas një konflikti në një lokal në lagjen nr.12, gjatë kontrollit fizik dhe gjatë shoqërimit në ambientet e Policisë, ka kundërshtuar dhe ka goditur mënyrë të përsëritur punonjësit e Policisë, shtuan të njëjtat burime.
