Lëvizjen e ish-liderit Sali Berisha, i cili ka nisur takimet me bazën e PD në të gjithë vendin, Roland Bejko e ka cilësuar si “grusht shteti”.
Në një studio televizive, Bekjo, ish-kandidati për deputet i Partisë Demokratike, njëkohësisht anëtar i Këshillit Kombëtar të PD-së, shprehet se nëse Berisha do bëhet kryetar i partisë me metoda jo demokratike, nuk do të jetë pjesë e ekipit të tij.
“Lëvizja e Berishës brenda partisë është grusht shteti. Është i tillë sepse Berisha i njohu zgjedhjet, njohu Bashën duke thënë kurrë mos thuaj kurrë. Ka dhe një shtresë tjetër në PD që është shtresa e të heshturve. Ata shikojnë dhe nuk reagojnë. Nëse Berisha bëhet kryetar i PD me metoda jo demokratike dhe non grata nga SHBA, unë nuk do jem pjesë e ekipit të tij”, tha Bejko.
