Prej 4 ditësh i bllokuar në minierë, kryebashkiaku i Bulqizës kujtohet për minatorin: Po lutemi…

Prej 4 ditësh, kur u bllokua në një nga galeritë e minierës së kromit në Bulqizë, nuk ka asnjë shenjë nga minatori 61 vjeçar.

Sot pas 4 ditësh, është kujtuar të reagojë Kryetari i Bashkisë së Bulqizës, Lefter Alla, i cili ‘lutet që minatorin ta nxjerrin shëndoshë e mirë dhe t’i bashkohet familjes’.

“I shqetësuar pafundësisht për situatën rreth kërkimeve të minatorit Muharrem Plaku.

Lutem që ekipet e kërkimit të arrijnë sa më parë tek Muharremi dhe ta nxjerrin atë shëndoshë e mirë, ta bashkojnë me familjen e të afërmit e tij, dhe t’i japin fund shqetësimit dhe ankthit që ka pushtuar të gjithë bashkëqytetarët tanë, e jo vetëm”, shkruan Alla.

LEXO EDHE  22-vjeçari shqiptar arrestohet nga policia italiane, iu gjet drogë në makinë

Ndërkohë kujtojmë se minatori 61 vjeçar Muharrem Plaku, u bllokua në galerinë ku po punonte pasi një masiv minerar u shemb duke bërë që prej 4 ditësh ende të mos kemi lajm prej tij.

Lidhur me këtë ngjarje të rëndë ditën e djeshme reagoi edhe Sindikata e Bashkuar e Minatorëve të cilët akuzuan qeverinë se nuk po i jepte vëmendjen e duhur këtij rasti.

Lidhur me kërkimet, Rrapush Tola, Drejtor i Autoritetit Kombëtar për Sigurinë dhe Emergjencat në Miniera u shpreh diten e djeshme se vijon puna për gjetjen e tij, por zona është e vjetër dhe rrezikon të shembet.