“E dominuam Skënderbeun për 90 minuta”, Daja: Gabime do ketë gjithmonë, duhet të përmirësohemi vetëm në këtë aspekt

Partizani as këtë herë nuk ka arritur të marrë fitoren e parë në Superiore. Skënderbeu arriti ta barazojë me shifrat 1-1 në Korçë. Pas ndeshjes për Supersport foli trajneri i të kuqve, Ilir Daja.

“Dolëm barazim, por patëm shumë raste dhe luajtëm vetëm në zonën e Skënderbeut. Bëmë gabim, që është i dyti radhazi. Të rrish gjithë ndeshjen në fushën e kundërshtarit dhe të mos i lësh hapësira rivalit, nuk është ndeshje e dështuar.

Nuk merrem dot me gabimet e lojtarëve sepse janë njerëzore dhe do ketë gjithmonë, unë mërzitem më shumë në të tilla raste. Në golin e pësuar nuk ka gabim në rreshtim, është top i kontrolluar, por ky është i vetmi gabim në këtë ndeshje.

LEXO EDHE  Tirana merr kryesimin e vetme, Partizani ende pa fitore në Superiore. Ja klasifikimi

Ajo që duhet të përmirësojmë është vetëm shpejtësia në 20 metrat e fundit. Situatat që kishim sot në zonën e rivalit do prodhonin rezultat tjetër, pavarësisht gabimit. Jam i kënaqur me gjithë ekipin. Sot humbëm dy pikë, më vjen keq për rezultatin, nuk më jep ndjenja të mira.

Jemi koshientë që nuk jemi brilantë në manovër, por sot kanë bërë mirë të gjithë sepse të çash një mbrojtje me 11 lojtarë nuk është e lehtë. Duhet të ishim më të shpejtë në linjat anësore për të përfunduar më pas para portës dhe goditur”, u shpreh Daja.