Kryeministri Edi Rama është acaruar me kryeparlamentaren Lindita Nikolla gjatë seancës plenare të mëngjesit të kësaj të Premteje.
Teksa ishte duke ligjëruar në foltore para votëbesimit të qeverisë, kryeparlamentarja Nikolla, në zbatim të rregullores, i bie gongut duke lajmëruar kryeministrin se koha e fjalës së tij kishte përfunduar.
Por, zhurma nervozoi kreun e qeverisë i cili i kthehet dhe duke ngritur tonin e zërit i drejtohet: Po leje tani, kujt po ja bën…
Drejtuesja e Kuvendit iu bind udhëheqësit dhe nuk i ra më gongut edhe pse fjalimi i Ramës zgjati 17 rreth minuta, nga 10 minuta që duhej të ishte.
Ndërkohë, gjatë seancës së djeshme plenare, u zotua se qeveria e tij do të mbështesë femrat gjatë këtij mandati.
