VIDEO/ Pikante nga parlamenti, ministrja qesh dhe vetë me ato që thotë

Fjalimi i ministres së re të Shtetit për Rininë dhe Fëmijët, Bora Muzhaqi, u bë shkak i gazit të kolegët në parlament.

Fjalën e saj, Muzhaqi e nisi me një lapsus: “Mendova se nuk do kisha emocione tani që do flisnim se është ora 1 e natës, por çuditërisht  përgjegjësia që vjen me pozicionin krijon gjithmonë emocione të paktën për mua”, tha ajo, ndërkohë që ora shënonte 2:00.

Më tej, tha se “fëmijët janë e ardhmja e Shqipërisë dhe vetëm ata mund ta ngrinë këtë vend në lartësinë që ne mendojmë se ky vend meriton”.

“Prandaj ne si qeveri e ju zotëri që qeshni si parlament, (i drejtohet Gjekmarkaj) kemi për detyrë të kërkojmë më shumë nga vetja”, shtoi.

LEXO EDHE  VIDEO/ Si është gjendja e bujqësisë? Deputeti: Aq e mirë sa i gjithë fshati e ble qumështin në qytet…

Në një moment, thotë: … Dua t’ju rikujtoj dhe një shprehje që e marr gjithmonë me vete – trupi i shëndoshë (qesh) … mendja e shëndoshë në trup të shëndoshë…”.