Megjithëse kanë kaluar 48 orë nga momenti kur një minator 48-vjeçar ka mbetur i bllokuar në një prej galerive të minierës së Bulqizës, nuk ka asnjë informacion mbi të. Kolegë të tij minatorë, por edhe disa ekipe shpëtimi, u angazhuan për të shpëtuar minatorin, që mbeti i bllokuar si pasojë e shembjes së një masivi gurësh. Nuk dihet se çfarë ndodh me minatorin, por një ditë më parë u publikuan foto se si kolegë të tij, përpiqeshin të krijonin një rrugë për t´i shkuar në ndihmë 61-vjeçarit. E ndërkohë nga strukturat shtetërore nuk ka pasur asnjë informacion zyrtar lidhur me ngjarjen, përveç policisë, e cila publikoi një komunikatë.
Nisur nga situata, gazetari Klodian Tomorri, përmes një postimi, shprehet se nga institucionet shtetërore nuk ka asnjë informacion se çfarë po ndodh me operacionin e shpëtimit.
“Bënë 20 orë seancë në Parlament dje. Folën të gjithë. Foli Kryeministri, foli ministrja e Energjisë, folën deputetët e maxhorancës. Askush nuk tha gjysme fjalë për minatorin. Për ironi qeveria po prezantonte programin e njerëzve, nga njerëzit për njerëzit.
Foli dhe opozita. Të gjithë deputet nga kryetari deri tek deputeti i fundit. Askush nuk i kërkoi llogari ministres apo qeverise se çfarë po bën shteti për të shpëtuar minatorin.
Bënin sikur ziheshin gjithë ditën dje. Njëra ane thoshte duam pushim sa të vije kryeministri. Ana tjetër thoshte s’ka pushim se kryeministri është i zënë me hallet e popullit. Një farsë e madhe palaçosh.
E hidhur është kjo, por e vërteta duhet thënë troç. Këtyre nuk u kërcet hiç për minatorin, punëtorin, fukarain”, shkruan Tomorri.
Reagimi nga Klodian Tomorri
Ka 48 ore minatori i bllokuar në një minierë atje në Bulqizë. Asnjë deklaratë, asnjë njoftim zyrtar nga autoritetet se çfarë po ndodh me operacionin e shpëtimit.
Bënë 20 orë seancë në Parlament dje. Folën të gjithë. Foli Kryeministri, foli ministrja e Energjisë, folën deputetët e maxhorancës. Askush nuk tha gjysme fjalë për minatorin. Për ironi qeveria po prezantonte programin e njerëzve, nga njerëzit për njerëzit.
Foli dhe opozita. Të gjithë deputet nga kryetari deri tek deputeti i fundit. Askush nuk i kërkoi llogari ministres apo qeverise se çfarë po bën shteti për të shpëtuar minatorin.
Bënin sikur ziheshin gjithë ditën dje. Njëra ane thoshte duam pushim sa të vije kryeministri. Ana tjetër thoshte s’ka pushim se kryeministri është i zënë me hallet e popullit. Një farsë e madhe palaçosh.
E hidhur është kjo, por e vërteta duhet thënë troç. Këtyre nuk u kërcet hiç për minatorin, punëtorin, fukarain.
Në Ministrinë e Energjisë ekziston një departament i posaçëm, që quhet Reparti i Inspektim dhe Shpëtim Minierave. Ky repart është posaçërisht për këtë qëllim. Të kryeje operacione shpëtimi në raste emergjencash.
Se çfarë po bën RISHM-i aktualisht nuk ka asnjë informacion zyrtar. Mund ta dëgjosh ndonjë gjysmë informacioni nga mediat. Ndërsa qeveria nuk ka asnjë informacion për të ndarë me publikun për këtë çështje.
Në sytë e pushtetit, jeta e minatorit nuk vlen.
Ato që vlejnë janë tenderat dhe llokmat e buxhetit. Sa më shumë para tenderash ndajnë këta, aq më mjeranë bëhen në shpirt. Tani kanë filluar ta konsiderojnë jetën e njeriut si një gjë me të cilën nuk ja vlen të merresh.
