Një grua ka humbur jetën këtë të Mërkurë në një aksident të ndodhur në aksin rrugor Lushnjë-Berat, në afërsi të fshatit Karbunarë.
Sipas policisë, një automjet ka përplasur një grua të moshuar, e cila po kalonte rrugën. Përplasja ka rezultuar fatale për të moshuarën, e cila nuk ka mundur të mbijetojë.
“Sot rreth orës 12:00, në aksin rrugor Lushnjë-Berat, në afërsi të fshatit Karbunarë, shtetasi A. Z., duke drejtuar automjetin tip ‘Ford’ ka aksidentuar një këmbësore, rreth 70 vjeçe, e ka ndërruar jetë. Eshtë shoqëruar drejtuesi i automjetit dhe po kryen veprimet procedurale e hetimore për zbardhjen e rrethanave të ngjarjes dhe identifikimin e viktimës”, njoftoi policia.
DENONCO